Ang Tubag

"Unsay nahitabo nato?"
Makabungol mga pangutana gikan sa imoha
Abi nakog kabalo nakas tubag
Mura lang ug nakapangutana ug yabag?
Pero sige
Wala man sad koy pake
Nahuman nako ani
Sige sugdan na nato ni
Unsa imong gusto?
Magsugod ta once upon a time?
Ayaw na dili bagay
Waman sad nahuman ug hapilly after atong paghinigugmaay
Kahinumdom pa baka atong semanaha
ayha sa imong natawhan?
Nanglaag ta sa park nga maanindot
Naglingkod ug naghaluganay ug hugot
Gipangutana tika unsa imong gusto iparegalo
Ana kas akoa
Bisan unsa basta ganahan kay ka
Ug madawat dayun nimo anang adlawa
Ug niabot imong adlaw
Kahinumdom pa ba ka sa akong cake nga gidala
ug bitbit nga regalo nako para sa imoha
Nidoul ko ug nikanta
Gitayhupan nimo ang kandila ug nipiyong ang mata
Hinay pero dulot
Dugay na pero dili ko kalimot
sa imong giistorya nga Unta
Buhian ka
ug muuban sa iyaa
nga akong amiga
nga ganahan kayo sa imong mama
kay sa among duha
siya ang mas gwapa ug naay kwarta
Ug labaw sa tanan dili siya anak sa gawas
ug lami ipanghambog
sakto ko diba?
Sakit pero akong gidawat
Nipahiyum nalang ug pinaahat
Gusto ko mohilak
pero wala nako gibalak
kay dili ko ganahan
nga ikaw maulawan
sa imong mga bisita nga adunahan
Pero wala sila kabalo
nga unsa ko kagusto
nga shagitan ka
ug magwaras
para mapagawas
akong gibating sakit nga gaawas-awas
ug bisan paman ug unsa kasakit
akong gituman nga ikaw buy-an
Ug kung kana imong kalipay nga gusto nimo matagamtaman
kay akong gugma kanimo
dili makasarili ug gahaman
Giagwanta ko ang tanan
nga ikaw balikan ug hagkan
pero nisulod sa akong alimpatakan
dili ra diay pwede nga puro gugma ra ang tanan
nga baka dili lang gyud ta para sa usag usa
Diba ingon pa gani nila
Pilia ang pangduha
kay dili ka mahigugma niya ug nahigugma pakas una
Diba?
Lisod dawaton kay sauna ikaw ra ang naa ko
pero kagahapon nato
Limtan na nato to
Salamat sa imo
Kung wala to nahitabo
Dili nako makita ang tawo
nga muhigugma
nga walay pagduhaduha
nga dawaton ko ulo hangtod lapalapa
kay ang importante
ang unsay naa ta karon
Ug unta makakita napud kag para sa imoha
Kung kana mahitabo
Ayaw na buy-i sama sa gibuhat mo kanako.